Kun tuna shi...?

Jarumi Sani Muazu ( magana jari ce)da iyalinsa

Mai rabon ganin badi...

Allah sarki wannan bidiyo da kuke gani yaro ne aka ciro da ga burabuzai na gini sakamakon yaki da ake yi a kasar syria,  a raye..Da ma masu iya magana kance mai rabon ganin badi...ko ana dakawa a turmi sai ya gani...

Hoton mu na yau

Jarumar Kannywood Safiya Musa da Maigidanta Alh.abdullahi Yakubu tare da jaririnsu

Jarumi Ali Nuhu ya musanta jita-jitan kara aure

Jarumi Ali Nuhu da iyalinsa

Shahararren jarumin duniyar fina-finai na Kannywood da Nollywood Ali Nuhu ya musanta rade-radin da ake na cewa zai kara aure.

Jarumin ya musanta hakan ne a wata kafar yada labarai ta internet inda ya ce ba gaskiya bane,  nema kawai ake a kunno masa wutar rikici a gidansa.

Dan haka ya yi kira ga jama'a da su yi watsi da rade-radin...

Manoman shinkafa...kakarku ta yanke saka...

Shugan kasa Goodluck, Alh.Aliko da ministan kudi Ngozi Okonjo Iweala A garin Davos

Hamshakin attajirin nan  na Afrika kuma dan jihar Kano Alhaji Aliko Dangote ya sake   daura aniyar sanya hannun jari na zunzurutun kudin da ya kai dala miliyan dari uku a harkar noman shinkafa a kasarmu Najeriya.

Ministan harkokin noma Akin Adesina wanda ya ke tare da attajirin a garin Davos dake kasar Switzerland domin halartar bikin bude taron tattalin arziki na duniya, ya shaida hakan ne a shafin  sadarwar nan na twitter.

Liyafar Jikan marigayi Sani Abacha

A makon da ya gabata ne,jikan marigayi tsohon shugaban kasa Sani Abacha, Mubarak ya cika shekara uku a duniya ,mahaifiyarsa Gumsu ta shirya masa kwarya-kwaryar liyafa a makarantarsu dan taya shi murna.

Mahaifiyar Mubarak, Gumsu, 'ya ce ga marigayi Sani Abacha wacce ta auri wani attajirin kasar Kamaru Bayero Fadil a shekarar 1999 kuma Allah ya azurta auren da 'ya'ya biyar kuma Mubarak shi ne karamin cikin su.

Mu na taya Mubarak fatan alheri kuma Allah ya raya!!

Mai za ku ce game da wannan hoto?

Allah ya tsare!!

Sabon shugaban jam'iyyar PDP...

Ahmed Adamu Mua'zu tare da iyalinsa

Kyan da ya gaji ubansa...

Jarumi Ali Nuhu da dansa Ahmad

Hoton mu na yau

Mawaki Ali Jita da 'ya'yansa

Wai shin da gaske ne Baba Ari ya zama sarkin barkwanci?

Baba Ari

 Wani rahoto da ba a tabbatar da sahihancin sa ba yace a yau din nan ne  Masarautar Gumel da ke jihar Jigawa ta nada Shahararren dan wasan barkwancin nan Aminu Aliyu Baba Kofar Na'isa da aka fi sani da Baba Ari sarkin ban dariya.

Idan har da gaske ne..to mu na taya Baba Ari fatan alheri, Allah ya taya riko...

Tuna baya...

Yau wannan shafi zai yi duba ne akan wasu 'yan wasan Hausa na duniyar kannywod da suka  kwanta dama.

Amina Garba(mama dumba)

Amina Garba

A ranar 21 ga watan Nuwamba shekara ta 2010, duniyar Kannywood ta yi rashin uwa, Hajia Amina Garba wacce aka fi sani da mama dumba.

Jarumar ta rasu ne mawkwanni uku da ta sake aure sakamakon rashin lafia da ta dade tana fama da shi, , ta rasu tana da shekara 52.

Daga cikin fina-finan ta akwai Daham, Dan Almajiri, Jakada, Shelah, Tsintsiya, Jarida  da sauransu

Marigayiyar ma'aikaciyar lafia ce ,wanda daga bisani ta fara drama  a gidan talabijin na CTV kafin ta yi fice a harkar fim.

Hussaina Gombe

Hussaina Gombe(tsigai)

Jarumar ta yi fice ne a fim din  Hausa na barkwanci amatsayin maidakin Rabilu Musa(ibro).Ta rasu ne sanadiyar hatsarin mota da ya rutsa da ita da abokin aiki Shuaibu kulu  akan hanyarsu ta dawowa daga Legos.

Maryam Aliyu

Maryam  Umar Aliyu

Jarumar ta rasu a ranar 12 ga watan Afrilu shekara 2010, sanadiyar rashin lafia wacce ta ke da nasaba da haihuwa.

Marigayiya ta tashi a Katsina ta kuma fara fim a shekara ta 2000 tauraruwarta kuma ta haska a shekara 2005. Daga cikin fina-finan ta akwai Khudisiyya, Jani, Labarin zuciya, Giwar mata, Makauniyar yarinya, Dan zaki, da saurauransu.

Ta auri jarumi Shuaibu Lawal(Kumurci), kuma kafin rasuwarta maidakin mawakin fina-finai Musbahu M. Ahmad ce.

Zilkiflu Muhammad

Zulkiflu Mohammed

Dan wasa ne, darakta kuma Furodusa a duniyar Kannywood ta waccan lokaci, ya rasu a ranar 18 ga watan Fabrairu na shekarar 2010,Sanadiyar rashin lafia.

Daga cikin fim din sa akwai Aisha, Maqabuli, Ba'asi da sauran su.

Jamila Haruna

Jamila Haruna

Ita ma fitacciyar 'yar wasa ce wacce ta ke yawan fitowa a matsayin uwa a cikin fina-finan Hausa, ta rasu a ranar 19 ga watan Afrilu shekara 2009, sanadiyar a hatsari a hanyar Suleja.

Daga cikin fim din ta akwai Furuci,Riba, Sangaya da sauransu.

Baraba Muhammad

Balaraba Muhammad

Jaruma ce a duniyar kannywood na wancan lokaci, ta rasu 15 ga watan Maris shekara 2002 sanadiyar hatsarin mota kan hanyar kaduna zuwa kano,lokacin da ake shirin kawo ta dakin ta a matsayin amarya ga jarumi Shuaibu Lawan kumurci.

Daga cikin fina-finan ta akwai Furuci, Dawayya , Buri da sauransu.

Ahmed S.Nuhu

Ahmed S.Nuhu
Shahararren jarumin ya rasu ne ranar 1 ga watan Jinairu 2007,sakamakon hatsarin mota a kan hanyar Azare.
Daga cikin fina-finan sa akwai Linzami da wuta, Huznee, Mujadala,Akasi da sauransu.
Kafin rasuwarsa furodusa ne a kampanin shirya fina-finai na FKD, kuma maigida ga jaruma Hafsat Shehu.

Hauwa Ali Dodo

Hauwa Ali Dodo(Biba problem)
Ta na daga cikin jaruman 'yan wasa da suka gina duniyar ta Kannywood, ta rasu 1 ga watan Jinairu 2010 sakamakon hadarin mota a garin Sami-naka.
Daga cikin fina-finanta akwai Ki yarda da ni, Sangaya, Daski da ridi, Buri, Na gari da sauransu.

Wasu daga cikin 'yan Kannywood da suka rigamu gidan gaskiya, sune;

Maijidda Mustapha-16 Yuni 2001

Safiya Ahmad-26 Fabrairu 2010

Darakta Lawal Kaura-13 Disamba 2011

Darakta Muhammad Balarabe Sango-1 Disamba 2012

Darakta Aminu Hassan Yakasai-16 Yuni 2001
Aisha Kaduna(Shamsiya)
Shuaibu Danwanzan
Nura MUhammed
Umar Katakore da sauran su.

Allah ya jikan su ya gafarta musu.

Hoton mu na yau

Jarumi Van Vicker na Nollywood da Yakubu Muhammad

Hoton mu na yau

Jarumi Ali Nuhu da iyalinsa

Mahdi mai dogon Zamani...

Ali Nuhu

A wannan makon  ne Shahararren dan fim din hausa Ali Nuhu ya cika shekara goma sha biyar a duniyar Kannywood.
Jarumin wanda tauraronsa ya ke ci gaba da haskawa ya fara fim ne a shekara 1999 da fim din Abin sirri ne,wanda kama yanzu ya yi fice a Kannywood da takwararta na Nollywood. Ya kuma samu karramawa tun daga cikin gida har Kasashen ketare.

Hira da Aminu Momoh

Aminu A.Shariff(momoh)

An haifi  shahararren dan wasan fim  din Hausa Aminu Aliyu Shariff  da aka fi sani da Momoh a ranar 7 ga watan fabrairu 1977 a gwalen jihar Kano, ya yi karatu a Gwale fimare,daga nan  ya tafi kwalejin malamai ta Gumel ya kuma karasa a Kwalejin Rumfa dake Kano.

 Ya yi karatun Diploma a jami'ar Bayero a fannin ilimin kare aukuwar laifuffuka wato"Crime Management, prevention and Control",Sannan ya koma ya yi digirinsa na farko a fannin Siyasa wato "Political Science". Ya yi aure a shekarar 2001 kuma yana da 'ya'ya hudu, Muhammad ,Safiyya, Aisha da Aliyu.


Abin da ya ja hankalinsa ya shiga fim
Sha'awa da ra'ayi su ne suka sa momoh ya shiga harkar fim, kuma domin ya samu abin dogaro da kai, da taimakawa rayuwar al'umma.
 Ya fara da fim din "ayi dai mu gani" daga nan  ya cigaba da harkar fina-finai.Daga cikin fina-finan sa  akwai Sanafahana, Sirrin boye, Abu naka,Hadizalo, Kishiya ko 'Yar uwa, Ni Matar aure ce, Tuwon tulu, Duniyar sama, Najeriya da Nijar da sauransu

Nasarori
Jarumin ya bayyana babbar nasarar sa shi ne haduwa da jama'a, taimakawa ta bangaren addini ,da kuma canza rayuwar wasu ta bangarori da dama, tare kuma da tabbatar da zaman lafia tsakanin al'ummu da kabilu, duk ta sanadiyar fim .

Baya ga harkar fim..
Momoh ya shaida mana cewa yana kasuwanci wanda shi ne sana'ar gidansu,yana aiyukan sa kai, da kuma harkokin siyasa.

Aminu Momoh, Nadiya, Fati Bararoji

Tallafin Dangote ga jiharsa ta Haihuwa

Alhaji Aliko Dangote

 Mujallar Essence ta rawaito cewa Hamshakin attajirin nan na nahiyar Afrika kuma Dan Najeriya Alhaji Aliko Dangote, ya sadaukar da dukiyarsa na kimanin dala biliyan dubu goma sha shida wajen aiyukan alheri...in da yake gina katafaren asibiti wanda zai dauki akalla marasa lafiya dubu daya a mahaifarsa wato Jihar Kano.

Haka kuma gidauniyarsa ta Dangote Foundation ta bada tallafin dala miliyan goma shabiyu ga  asibitin Murtala .

Sabon Salo...barawo da sallama...

Tsinken cin abinci mai fanka

 Masu iya magana dai kan ce in da ranka ka sha kallo... kun san an shiga sabuwar shekara... saboda haka kasar Cana ta canza tsari inda ta kirkiro da sabon chokalinsu(tsinken cin abincin su) mai fanka wanda komai zafin abinci za ka iya ci batare da matsala ba...

To jama'a sai  a nemi tsiken  domin kwasar malmalar tuwo!! 

Mawaki Naziru Ahmad ya kara aure...

Ango Nazir da Amarya Khadija

A jiya ne shahararen mawakin nan Naziru Ahmad ya angwance da sahibarsa Khadija. An daura auren ne a masallacin murtala da ke cikin Kano, daga bisani aka gwangwaje a liyafar da aka gudanar a Otal din Royal Tropicana, dake cikin Kano .

Mu na taya ango da amarya fatan alheri,kuma Allah ya baiwa ango ikon yin adalci...

Hoton mu na yau

Maijego Samira, Sani Danja, T.Y Shaba da Mansura

Ku canka!

Hoton mu na yau

Jamila Nagudu da Dan auta , lokacin shirya fim din kauyawa a New delhi

Shin kuskure ne hadewar bangarorin Najeriya da turawa suka yi?

Wannan hoto da ku ke gani an dauke shi ne a ranar 1 ga watan Jinairu 1914, lokacin da gwamna janar na wancan lokaci Lord Lugard ya hade yankunan Arewaci da Kudancin kasar nan ta zama dunkulalliyar kasa, sa'annan  maidakinsa Flora Shaw ta rada mata suna Najeriya a bisa la'akari da kogin kuwara(da turawa ke wa lakanin Niger) da ya karade kasar.

Saidai har yanzu bayan shekaru dari wasu na ganin kwalliya bata biya kudin sabulu ba, hasali ma kuskure ne hade sassan ba tare da la'akari da bambamce-bambamcen da ke tsakanin al'umomin yankunan ba.

Idan aka yi la'akari da muhinman zarge-zargen tsohon shugaban kasa Cif Olushegun Obasanjo ya yi a kwanannan a wasikar da ya rubutawa shugaban kasa Jonathan, za a ga ashe baya ba zani aka yi , dan kuwa bambamcin kabila da addini sun yi matukar tasiri a harkar gudanar da mulkin kasarnan, abin da wadansu su ke wa kallon sababin rugujewar kasar, idan har ba a samu hazikin shugaban da zai kawo daidaito a tsakanin mabambamtan al'umomin kasarnan ba.

Allah sarki mutuwa rigar kowa.

Marigayiya Hauwa Ali Dodo(Biba problem)

 A ranar daya ga watan jinairun shekara dubu biyu da goma ne ,yau shekara hudu kenan da fitacciyar jarumar Hausa fim Hauwa Ali Dodo da aka fi sani da Biba problem ta kwanta dama sakamakon hatsarin mota da ya rutsa da ita a garin saminaka dake jihar kaduna.

Idan ba a manta ba Hauwa Ali(Biba problem)fitaciyar jaruma ce da ta bada gudummawa wajen gina duniyar Kannywood ,wasu daga cikin manyan fina-finanta akwai Ki yarda dani, Sangaya, Daskin da ridi, Buri, Na gari, Gaskiya dokin karfe, da sauransu.

Allah ya jikanta ya gafarta mata... 

Hoton mu na yau

Gwamna Rabiu Kwankwaso na tilawa

Kwan-ci-tashi...yau shekara bakwai da rasuwar Ahmed S.Nuhu

Marigayi Ahmed S. Nuhu

Allah sarki, a rana mai kama ta yau, daya ga watan jinairu shekara dubu biyu da bakwai ne, shahararren dan fim din Hausa nan na  duniyar Kannywood Ahmed S. Nuhu ya kwanta dama sakamakon hatsarin mota da ya rutsa da shi akan hanyar Azare.

Allah ya jikanshi,ya gafarta masa, mu kuma ya kyautata namu zuwan.

Wasu 'Yan wasa da suka bace...sun dawo!

Abba Almustapha

Ibrahim Mandawari

Aminu Sharif Ahlan

Ku na da masaniyar cewa wasu shahararrun 'yan wasa na duniyar kannywood sun fara bayyana bayan da suka yi batan dabo?

Wadanan 'yan fim ba wasu bane illa Ibrahim Mandawari, da Abba Al-Mustapha da Aminu Sharif Ahlan...

Rahotanni sun ishe mu cewa Al-Mustapha da Sharif har sun bayyana a wani sabon fim wanda ake ikirarin ya fita daban da sauran fina-finai saboda dukiyar da aka kasha a fim din.

Liyafar karshen shekara ta cool fm

Fatan Alheri ga Fatima Ali Nuhu

Fatima da Ali

 

A ranar lahadin da ta gabata ne maidakin shahararren dan wasa na duniyar Kannywood da Nollywood Ali Nuhu ta kara shekara daya akan shekarunta.

Mu na taya Uwargida Fatima fatan alheri,Allah ya karo shekaru masu albarka.