Shugaban Kasa Muhammadu Buhari da tawagarsa sun shiga cikin dakin Ka'aba

A yau ne Sarkin Saudiya Salman Al Saud ya budewa shugaban kasa da ayarinsa cikin dakin Ka'aba amatsayin wata girmamawa ga shugaban.

Sarkin wanda shi ne yake kula da manyan masallatan Makka da Madina, ya bada umarni a budewa shugaba Buhari dakin Ka'aba

Daga cikin wadanda suka shiga dakin mda shugaban kasa sun hada da mai martaba sakin Kano Muhammad Sanusi na biyu da gwamnonin jihohin Zamfara Abdul Aziz Yari da Khashim Shettima na Borno da na jihar Katsina Aminu Masari da Rauf Aregbesola na jihar Osun da kuma Ibikunle Amosun najihar Ogun.

Gwamna Ganduje ya kai ziyarar aiki kan hanyar AIM

Aranar Litinin din data gabata ne gwamnan jihar kano ya kawo ziyarar aikin hanyar da ake ta AIM dake Farmcenter kusa da Cinimar Marhaba  dake karamar hukumar Tarauni cikin jihar Kano inda gidajen rediyon Cool Da Wazobia suke...
Ga hotuna lokacin da Mahukuntan gidajen rediyon suka karbi bakwancin gwamnan

..

Tsohon Shugaban kasa Shehu Shagari cika shekaru 91 a duniya

A yau ne 25 ga watan Fabrairu tsohon shugaban kasa Shehu Usman Aliyu Shagari ya cika shekaru 91 a duniya. An haife shi aranar 25 ga watan Fabrairu 1925 a kauyen Shagari a Jihar Sakkwato.
Idan za a tuna shi ne shugaban kasa na biyu lokacin mulkin farar hula jamhuriya ta biyu,ya karbi ragamar mulkin kasa  daga 1 ga watan Oktoba 1979 zuwa watan 31 Disamba 1983

Shugaban kasa Muhammadu Buhari ya bar birnin Riyadh inda yake gudanar da Umara a Madina

Shugaban Kasa Muhammadu Buhari wanda a halin yanzu yake kasar Saudiya domin gudanar da wasu aiyuka, ya bar Babban birnin Riyardh inda ya isa Madina domin gudanar da Umara

Allah yasa karbabbiya ce.........

Mai dakin gwamnan jihar Bauchi ta kawo dauki ga Maralafiya mai fama da cutar sankarar mama

 
Cuta aka ce ba mutuwa ba ..domin kuwa mai dakin gwamnan jihar Bauchi Hajiya Hadiza Muhammad Abubakar ta kawo dauki ga mara lafiyarnan mai fama da da cutar snkarar mama, Sa'adatu Muhamad Giade.

Hotan wannan matashiya ,mai shekaru 19 a duniya kuma marainiya ya karade kafar intanet wadda take a kwance a Asibitin koyarwa na Abubakar Tafawa Balewa  magashiyyan sakamakom cutar sankarar mama.

Acewar sanarwar da jami'in yada labaran mataimakin gwamnan jihar Bauchi Yakubu Adamu ya fitar, Uwargidan gwamnan ta kawo daukin ne ta hannun kungiyarta B-SWEEP dake bada tallafi inda ta bukaci a mika bayanan maralafiyar tare da sanar da mahukuntan asibitin cewa ta dau dawainiyar Sa'adatu Muhammad Giade dan haka a kula da lafiyarta.

Sa'adatu Allah ya kara lafiya.

Matashi Abdullahi Lawal mai kera Jiragen sama..

 

 Wannan Matashi da ku ke gani mai suna Abdullahi Lawal daga birnin Zazzau a jihar Kaduna yake kera jiragen sama da roka tamkar na gaske..Acewar wanda ya yada hotunansa, Aminu Gamawa, Abdullahi  ya kudiri aniyar karantar fanin  Injiniya Jiragen sama a gwarance mai gyara jiragen sama da kula da su da duk wata na'ura mai tashi sama.



Abdullahi sai mu ce Allah ya cika buri...

Allah ya yi wa 'yar Kannywood Aisha Dankano Rasuwa

 
A ranar Talata ne 23 ga watan Fabrairu Allah ya yi wa Shahararriyar 'yar  Fim din Kannywood rasuwa da rana.
Marigayiyar ta rasu bayan 'yar gajeriyar jinya..Kuma tuni aka yi jana'izarta a Unguwar Gwammaja acikin birnin Kano.

Kafin rasuwar ta kasance fitacciya a harkar fina-finan Hausa na Kannywood ,Kadan daga cikin fina-finanta sun hada da Zawarawa,Uwar mugu,Teburin mai shayi,Mai dalilin aure, Zeenat, Jamhuriya Kishiya ko 'yar Uwa, Kayar Ruwa da sauran makamantansu...Ta  rasu tana da shekaru 34 a duniya.
Allah ya jikanta ya gafarta mata

Gwamnan jihar Sakkwato Aminu Tambuwal ya angwance

Amarya Mairo da Gwamna Aminu Tambuwal

 A makon da ya gabata ne gwamnan jihar Sakwatto kuma tsohon Kakakin Majalisar Wakilai  Aminu Waziri Tambuwal ya angwance da Amaryarsa Maryam Mairo Mustapha
 anan jihar Kano
.. Amarya  ta kasance tsohuwar daliba a Makarantar Sakandiren 'Yan mata ta Tarayya dake Kazaure a jihar Jigawa.FGGC Kazaure.


Muna taya su Murna Allah ya bada zaman lafiya